YouTube ҳам Трампнинг каналини блоклаб қўйди
YouTube администрацияси 13 январь, чоршанба куни АҚШнинг амалдаги президенти Дональд Трампнинг каналидаги янги видеони олиб ташлагани ва ушбу аккаунт фаолиятини вақтинча тўхтатиб қўйганини эълон қилди.
Фото: «randomlengthsnews»
Унда айтилишича, 2,77 миллион обуначига эга каналга камида етти кун давомида янги видеофильмларни жойлаш ва жонли эфирда намойиш этиш тақиқланди. Каналда аввалги видеоларга кириш сақланиб қолган, аммо улар остида изоҳ қолдириш имконияти йўқолган.
2/ Given the ongoing concerns about violence, we will also be indefinitely disabling comments on President Trump’s channel, as we’ve done to other channels where there are safety concerns found in the comments section. https://t.co/1aBENHGU5z
— YouTubeInsider (@YouTubeInsider) January 13, 2021
«Аккаунтни ўрганиб чиққандан сўнг биз Дональд Трампнинг каналига юкланган видеони бизнинг сиёсатимизни бузганлиги учун олиб ташладик. У биринчи бор огоҳлантирмоқда. Бу камида 7 кун давомида каналга видео юкланишига тўсқинлик қилади», дейилади хабарда.
Аввалроқ Трампни Twitter, Facebook ва Instagram бир пайтда блоклаб қўйгани ҳақида хабар берилган эди. Шундан сўнг Тwitter уни бутунлай блоклаб ташлаган. Орадан бир неча кун ўтиб, Трампни блоклаш Twitter’га қимматга тушгани маълум қилинганди.
