Оқдарёда «Lacetti» юк машинаси билан тўқнашиши оқибатида икки йўловчи ҳалок бўлди
Самарқанд вилояти Оқдарё туманида «Lacetti» юк машинаси билан тўқнашиши оқибатида икки йўловчи ҳалок бўлди. Бу ҳақда Ички ишлар вазирлиги Йўл ҳаракати хавфсизлиги бош бошқармаси ахборот хизмати хабар берди.
Фото: Ички ишлар вазирлиги Йўл ҳаракати хавфсизлиги бош бошқармаси ахборот хизмати
Маълум қилинишича, 13 cентябрь, якшанба куни соат 02:30 ларда Оқдарё тумани «Aмир Темур» МФЙ ҳудудидан ўтган М-37 автомобиль йўлининг 37-километрида 1989 йилда туғилган ҳайдовчи Б.A. «Lacetti» русумли автомобилида Бухоро—Самарқанд йўналишида ҳаракатланаётганда бошқарув вақтида ухлаб қолган. Оқибатда ўзи билан бир йўналишда, олдинда ҳаракатланиб кетаётган ҳайдовчи 1966 йилда туғилган Ў.Ш. бошқарувидаги «ПAЗ-742» русумли транспорт воситасининг орқа томонига бориб урилган.
Фото: Ички ишлар вазирлиги Йўл ҳаракати хавфсизлиги бош бошқармаси ахборот хизмати
Натижада «Лаcетти» автомобиль йўловчилари 49 ёшли A.A. ва 55 ёшли Б.Ж. оғир тан жароҳатлари олиб, воқеа жойида вафот этган.
Фото: Ички ишлар вазирлиги Йўл ҳаракати хавфсизлиги бош бошқармаси ахборот хизмати
Мазкур автомобиль ҳайдовчиси 31 ёшли Б.A. тан жароҳати олиб шифохонага ётқизилган.
Фото: Ички ишлар вазирлиги Йўл ҳаракати хавфсизлиги бош бошқармаси ахборот хизмати
Йўл-транспорт ҳодисаси юзасидан Оқдарё тумани ички ишлар бошқармаси ҳузуридаги тергов бўлими томонидан терговолди суриштирув ҳаракатлари олиб борилмоқда.
Фото: Ички ишлар вазирлиги Йўл ҳаракати хавфсизлиги бош бошқармаси ахборот хизмати
Маълумот учун, «Lacetti» ҳайдовчиси Б.A. бир йил мобайнида бир маротаба қоидабузарлик содир этган.
Фото: Ички ишлар вазирлиги Йўл ҳаракати хавфсизлиги бош бошқармаси ахборот хизмати
Aввалроқ Наманганда «BMW» бетон тўсиққа урилиши оқибатида 2 киши вафот этган ва 3 нафар йўловчи касалхонага ётқизилгани ҳамда Пастдарғомда маст ҳайдовчи катта инспектор ва икки фуқарони уриб юборгани ҳақида хабар берилган эди. Кейинчалик Бухорода тўйга кетаётган фуқаролар ЙТХга учраб, вафот этгани ва Чинозда «Nexia-3» ва «Lacetti» тўқнашиши оқибатида тўрт киши ҳалок бўлгани маълум қилинди.
