Намангандаги «Олтин мерос гурунг маркази»да кучли ёнғин юз берди
Ёнғин сабабли талабаларда куйиш тан жароҳати ёки бирор жиддий талофат олиш ҳолатлари кузатилмади, деб хабар бермоқда «ЎзА».
Фото: «ЎзА»
Хабарга кўра, 12 сентябрь соат 15:49 да Наманган шаҳридаги Ислом Каримов кўчасида жойлашган «Халқаро олтин мерос хайрия фонди» Наманган вилояти бўлимига қарашли «Олтин мерос гурунг маркази»да кучли ёнғин содир бўлди. Наманган шаҳар фавқулодда вазиятлар бўлимининг ёнғин қутқарув экипажи зудлик билан воқеа жойига етиб борди.
Қайд этилишича, ёнғин натижасида марказнинг шифт ва том қисмидан 235 кв.метр жойи ва хона жиҳозлари ёниб зарарланган.
Фото: «ЎзА»
Таъкидланишича, олиб борилган тезкор ҳаракат натижасида мажмуанинг 350 кв.метр жойи сақлаб қолинган.
Шунингдек, юз берган ёнғин юзасидан терговга қадар суруштирув ишлари олиб борилмоқда.
Аввалроқ, Ангрендаги кўп қаватли уйларнинг бирида ёнғин содир бўлган эди.
