Ўзбекистонда ходимга интизомий жазо қўллаш тартиби ҳақида маълумот берилди

Ўзбекистонда ходимга интизомий жазо қўллаш тартиби ҳақида маълумот берилди.

Маълум қилинишича, иш берувчи ходимга меҳнат интизомини бузганлиги учун Меҳнат кодексида белгиланган интизомий жазо чораларини қўллашга ҳақли.

Интизомий жазо қўлланилишидан аввал ходимдан ёзма равишда тушунтириш хати талаб қилиниши лозим. Интизомий жазони қўлланишда содир этилган ножўя хатти-ҳаракатнинг қай даражада оғир эканлиги, шу хатти-ҳаракат содир этилган вазият, ходимнинг олдинги иши ва хулқ-атвори ҳисобга олинади.

Ходим қўлланилган интизомий жазодан норози бўлган тақдирда 3 ой муддат ичида судга ёки меҳнат низолари комиссиясига мурожаат этишга ҳақли. Шунингдек, иш берувчи ходимлар меҳнатини ташкил қилиши, қонунлар ва бошқа норматив ҳужжатларда, меҳнат шартномасида назарда тутилган меҳнат шароитларини яратиб бериши, ходимларнинг эҳтиёж ва талабларига эътибор билан қараши, уларнинг меҳнат ва турмуш шароитларини яхшилаб бориши шарт.

Аввалроқ Ўзбекистонда ортиқча ҳужжат талаб қилган нечта ОТМга интизомий жазо чоралари кўрилгани маълум қилинган эди. Шунингдек, ўтган 11 ой давомида қанча судья муддатидан олдин ваколатидан маҳрум қилинган.