Филиппин ички ишлар вазири иккинчи марта коронавирусга чалинди
Филиппин ички ишлар вазири ва маҳаллий ҳукумат раҳбари Эдуардо Aньода коронавирус қайд этилди. Бу ҳақида «ТAСС» хабар берди.
Фото: «Philippine News Agency»
Маълумотларга кўра, 58 ёшли амалдорга илк бор март ойида коронавирус ташхиси қўйилган.
«13-август куни менда грипп аломатлари, шу жумладан, томоқ ва тана оғриғи бошланди. 14-август куни полимераза занжирли реакциясини синовдан ўтказдим. 15-август куни тест натижамни олдим. Менда коронавирус аниқланди», — деди у ўз баёнотида.
Вазир айни пайтда тиббий назоратда.
Aньонинг таъкидлашича, у фуқароларга пандемиянинг жиддийлигини тушуниш, ниқоб тақиш ва қўлларни тез-тез ювиш муҳимлигини айтиш учун баёнот берган.
Aввалроқ Филиппин президенти Родриго Дутерте қайта тақиш учун юз ниқобларини бензин ёки дизель билан зарарсизлантиришни таклиф қилган эди.
Кейинчалик Филиппин кимёгарлари уюшмаси мамлакат фуқароларига бензин ёқилғисини тутатиш саломатлик ва ҳаёт учун хавфли бўлиши мумкинлиги ҳақида огоҳлантирган, аммо президент шунга ўхшаш баёнотларни беришда давом этган.
Маълумот учун, Филиппинда, тахминан, 153,6 минг киши коронавирус билан касалланган, 2,4 мингдан ортиқ бемор вафот этган. Мамлакатда коронавирус инфекциясининг биринчи ҳолати 30-январ куни аниқланган.
Шунингдек, дунё бўйлаб коронавирусга чалинганлар сони 21 миллион кишидан ошган.
