Бухорода 8400 дан зиёд тадбиркорлик субьектлари фаолияти тикланади
Бухорода 17 август, душанба куни Халқ депутатлари вилоят кенгашининг ўн иккинчи сессиясида вилоят ҳокимининг биринчи ўринбосари Фарҳод Умаров ҳисобот берди. Бу ҳақда вилоят ҳокимлиги ахборот хизмати хабар қилди.
Mаълум қилинишича, вилоятда 8434 тадбиркорлик субьекти фаолияти тикланади ҳамда 53 мингдан зиёд фуқаро ўз иш жойларига қайтади.
Хабарга кўра,
- 12 000 киши буюм бозорларига
- 1896 киши хусусий муассасаларга
- 7695 киши умумий овқатланиш шохобчаларига
- 29 000 киши ноозиқ-овқат маҳсулотларини сотувчи шохобчаларга
- 775 киши ўқув курсларига
- 1058 киши гўзаллик салонларига
- 800 нафари эса қурилиш ва чорва моллари бозорларига — ўз иш ўрнига қайтиши маълум қилинди.
Қайд этилишича, Фарҳод Умаров вилоятда карантин чекловлари юмшатилиши натижасида қайта тикланаётган фаолият турлари, тадбиркорлик субъектларига қўйилаётган талаблар ҳақида тўхталган.
«Вилоятда 8434 та тадбиркорлик субьектлари фаолияти тикланади. Бу нарса керакми, дейдиганлар ҳам бор. Ҳа, албатта, керак. Aгар яна бир неча ой ишламасак, иқтисодиётимиз чидамайди. Биз бюджет ҳаражатларини кафолатли амалга оширишимиз талаб этилади», — Фарҳод Умаров.
Эслатиб ўтамиз, аввалроқ Бухорода Халқ депутатлари вилоят кенгашининг ўн иккинчи сессияси иш бошлангани ҳақда хабар қилинганди.
