Ўзбекистон вилоятларининг бирида бойчечак очилди — фото

Ўзбекистонда илиқ ҳаво ҳарорати кузатилгани сабабли Қашқадарё вилоятининг икки туманида бойчечак гуллади.

Фото: Telegram

Хабар қилинишича, Деҳқонобод туманининг Бойқўрғон ва Чироқчи туманининг Тарғай қишлоқларида бойчечаклар очила бошлаган.

Аввалроқ Ўзбекистонда ҳаво ҳарорати кескин кўтарилиб, баҳорий ҳаво кузатилиши ҳақида хабар берилган эди. Шунингдек, Волга бўйи ҳудудларидан нам ҳаво массалари кириб келиши натижасида ҳафтанинг иккинчи яримидан кескин совушини маълум қилинган.