Чироқчида 3 нафар эгизак туғилди
Қарши шаҳар туғруқ комлексида уч нафар эгизак туғилди. Бу ҳақда Қашқадарё вилояти Соғлиқни сақлаш бошқармаси ахборот хизмати хабар берди.
Фото: Қашқадарё вилояти Соғлиқни сақлаш бошқармаси ахборот хизмати
Хабарда айтилишича, чақалоқларни чироқчилик 25 ёшли Дурдона Бобоқулова дунёга келтирган. У бир ўғил, икки қизли бўлган. Чақалоқлар вазни — 2900, 2650, 2600 граммни ташкил этган.
Туғруқхона бош шифокори Салима Ачилова уч эгизакнинг ҳам аҳволи яхши эканини маълум қилган.
Аввалроқ Наманганда охирги 7 ой давомида 40 мингга яқин чақалоқ дунёга келгани хабар қилинган эди.
Шунингдек, Ўзбекистонда ФХДЁнинг барча органларида 1 сентябрдан бошлаб туғилганлик бўйича комплекс давлат хизматларини кўрсатиш амалга оширилиши маълум қилинган эди.
