Нурободдаги кўчаларда чет тилидаги реклама баннерлари олиб ташланди (фото)
Самарқанд вилояти Нуробод туманида кўчалардаги реклама баннерлари чет тилидаги ёзувлардан тозаланди. Бу ҳақда туман ҳокимлиги ахборот хизмати хабар берди.
Фото: Нуробод туман ҳокимлиги ахборот хизмати
Маълум қилинишича, ўзбек тили қоидаларига риоя қилинмаган ташқи реклама баннерлари А-378 халқаро магистрал йўлининг тумандан ўтувчи қисмидан олиб ташланган.
Фото: Нуробод туман ҳокимлиги ахборот хизмати
Қайд этилишича, мазкур тадбир 19 сентябрь, шанба куни туман ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Абдулла Қиличов раҳбарлигидаги ишчи гуруҳ томонидан ўтказилган.
Фото: Нуробод туман ҳокимлиги ахборот хизмати
Тадбир давомида бир қатор ўзбек тили қоидаларига риоя қилинмаган қонун бузилиш ҳолатлари аниқланган.
Фото: Нуробод туман ҳокимлиги ахборот хизмати
Тадбирда фуқаролар ва тадбиркорларга тушунтириш ишлари олиб борилган ва ўзбек тили қоидаларига риоя қилинмаган ташқи реклама баннерлари олиб ташланган.
Фото: Нуробод туман ҳокимлиги ахборот хизмати
Маълумот учун, мазкур тадир «Давлат тили ҳақида»ги ҳамда Вазирлар Маҳкамасининг «Ташқи реклама бозорини тартибга солиш тўғрисида»ги қарорлари ижросини таъминлаш мақсадида амалга оширилган.
Фото: Нуробод туман ҳокимлиги ахборот хизмати
Фото: Нуробод туман ҳокимлиги ахборот хизмати
Фото: Нуробод туман ҳокимлиги ахборот хизмати
Аввалроқ Самарқанд кўчаларидаги реклама баннерлари чет тилидаги ёзувлардан тозалангани ҳақида хабар берилган эди. Кейинчалик Наманганда кўчалардаги реклама баннерлари ўзбек тилида ёзилишини тарғиб қилиш бўйича тадбир ўтказилгани ҳамда Жомбойда жойлардан ўзбек тилида бўлмаган пешлавҳа ва рекламалар олиб ташлангани маълум қилинди.
