Самарқандда 13 нафар коронавирусга чалинган бемор тузалди
Самарқанд вилоятида 26 август куни 13 нафар коронавирусга чалинган бемор тузалди. Бу ҳақда Соғлиқни сақлаш вазирлиги матбуот хизмати хабар берди.
Маълум қилинишича, вилоятда айни пайтга қадар 1645 кишида коронавирус аниқланган. Беморларнинг 1533 нафари касалликдан соғайган, 3 киши вафот этган.
Маълумот учун, мамлакатда жами 36 402 (+419) нафар коронавирус инфекциясига чалинган фуқаро соғайган. Соғайиш кўрсаткичи 91 фоизга етган. 3 394 нафар беморга шифокорлар томонидан белгиланган стандартлар бўйича даво чоралари кўрилмоқда.
Эслатиб ўтамиз, аввалроқ вилоятда коронавирусга чалинган 47 нафар бемор соғайгани ҳақида хабар берилган эди.
