Ўзбекистонда ундирилган жарима пулларининг қанчаси муҳтожларни қўллаб-қувватлашга йўналтирилиши маълум бўлди
Президент Шавкат Мирзиёевнинг «Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида»ги Фармони 24 ноябрь куни қабул қилинди. Унга асосан 1 декабрдан давлатга етказилган зарардан ундирилган маблағнинг маълум қисми муҳтожларни қўллаб-қувватлашга йўналтирилади.
Фото: «Tez News»
Фармонга кўра, 2020 йил 1 декабрдан бошлаб, жиноят натижасида давлатга етказилган зарар, давлат божлари, жиноий ва маъмурий жарималар, давлат фойдасига бошқа турдаги ундирувлар ҳамда давлат даромадига ўтказиладиган олиб қўйилган мол-мулкни сотишга оид ижро ҳужжатлари бўйича сотилган мол-мулкларнинг маблағлари — алоҳида ғазначилик ҳисоб-рақами билан пропорсионал тартибда тенг равишда «Темир дафтар», «Aёллар дафтари» ва «Ёшлар дафтари»га киритилган фуқароларни қўллаб-қувватлашга йўналтирилади.
Мавзуга доир: Сирдарёда ўтган 10 ойда «темир дафтар»га киритилган ишсиз фуқароларнинг қанчаси иш билан таъминлангани маълум қилинди
Aввалроқ Ўзбекистонда раҳбарлар хизмат машинасидан қандай мақсадда фойдаланиши назорат қилиниши ҳамда Наманганда 2021 йилда ижтимоий соҳага 2,2 триллион сўм йўналтирилиши ҳақда хабар қилинганди.
