Энди чиройли авторақамларни аукционсиз сотиб олиш мумкин

Ўзбекистонда чиройли рақамлар учун аукционлар бекор қилинди. Бу ҳақда Вазирлар Маҳкамасининг 4 сентябрдаги қарорида қайд этилган.

Жорий этилган янги тартибга кўра, 1–3 тоифага кирувчи рақамлар «Safe Road YHXX» платформаси орқали сотилади.

Рақамларнинг тўлов миқдори:

• жисмоний шахслар учун БҲМнинг 17 баравари (7 млн сўм);

• юридик шахслар учун эса БҲМнинг 25 баравари (10,3 млн сўм) ни ташкил этади.

Шунингдек маълум қилинишича, эндиликда барча тўловлар онлайн тарзда амалга оширилади.

Эслатиб ўтамиз, 2026 йилнинг 1 январидан бошлаб илова орқали исмли автомобил рақамларини харид қилиш мумкин бўлади.