Ўзбекистонда вояга етмаганлар банк картасини мустақил равишда олишлари мумкин бўлади
Ўзбекистонда банк карталарини чиқариш ва муомалага киритиш қоидаларига ўзгартириш ва қўшимчалар киритилди.
Ўзгартиришларга кўра, 14 ва ундан катта ёшдаги шахслар карта олиш учун, мустақил равишда мурожаат қилишлари мумкин бўлади.
Аммо 14 ёшдан кичик бўлган болалар ота-оналари ёки қонуний вакилларидан бирининг ёзма розилиги билан картани расмийлаштиради.
Бундан ташқари, мамлакатда иккита янги турдаги карталар жорий этилган. Биринчиси муҳтожларга нафақа ва моддий ёрдам тўлаш учун ижтимоий карталар. Шунингдек, якка тартибдаги тадбиркорлар ва ўзини ўзи банд қилганлар учун бериладиган бизнес карталар.
Шу билан бирга, тўлов тизимлари томонидан банк карталарини олдиндан чиқаришга ҳам рухсат берилади. Мазкур карталарда эгасининг исмини кўрсатиш талаб этилмайди, фойдаланувчи идентификация қилинганидан сўнг карта фаоллаштирилади.
