Aндижонда 16 нафар мактаб битирувчисига ўз касб-ҳунарини ривожлантириш учун 5 миллион сўмдан кредит берилди (фото)
Aндижон вилоятида 16 нафар мактаб битирувчисиига 5 миллион сўмдан кредит асосида сармоя берилди. Бу ҳақда вилоят ҳокимлиги матбуот хизмати хабар берди.
Фото: Aндижон вилоят ҳокимлиги матбуот хизмати
Маълум қилинишича, умумтаълим мактабларини тамомлаган 40 298 нафар битирувчилар ўртасида ўтказилган хатлов натижасида бугунги кунда 28 295 нафар битирувчилар «уста-шогирд» анъанаси бўйича ҳунар ўрганаётганлиги аниқланган. Шу муносабат билан, 17 август куни вилоят ҳокимлигининг фаоллар залида умумтаълим мактабларининг битирувчилари бандлигини таъминлаш мақсадида ўз касб-ҳунарини ривожлантириш учун илк 16 нафар битирувчига 5 миллион сўмдан кредит асосида сармоя берилган.
Фото: Aндижон вилоят ҳокимлиги матбуот хизмати
Қайд этилишича, битирувчиларнинг 10 470 нафарига ҳунарни ривожлантириш учун ҳамда 5 530 нафарига тадбиркорлик билан шуғулланиш учун жами 42,3 миллиард сўм маблағ ажратилган.
Фото: Aндижон вилоят ҳокимлиги матбуот хизмати
Маълумот учун, ушбу тадбир 2020 йил 21-22 май кунлари Шавкат Мирзиёевнинг Aндижон вилоятига ташрифида умумтаълим мактаблари битирувчиларининг бандлигини таъминлашда «Aндижон тажрибаси»ни яратиш масаласи кўриб чиқилган.
Фото: Aндижон вилоят ҳокимлиги матбуот хизмати
Эслатиб ўтамиз, аввалроқ Aндижонда йил бошидан бери 32 мингдан ортиқ ёшлар иш билан таъминлангани маълум қилинган эди. Шунингдек, Пастдарғомда мактаб битирувчилари «уста-шогирд» асосида иш билан таъминлангани ҳақида хабар берилганди.
