Aсака туманига янги ҳоким тайинланди
Aндижон вилояти Aсака тумани ҳокими лавозимига Aлиханов Мансурбек Мамасидиқович тайинланди. Бу ҳақда вилояти ҳокимлиги матбуот хизмати хабар берди.
Фото: Aсака тумани ҳокимлиги матбуот хизмати
Тайинловга қадар Aлиханов Мансурбек Мамасидиқович Aндижон вилояти Жалақудуқ тумани Ички ишлар бўлими бошлиғи лавозимида фаолият юритган.
Унга қадар Иномжон Мамадалиев туман ҳокими вазифасини бажарган, у 2020 йил март ойида лавозимга тайинланган.
«Aндижон вилояти ҳокимлиги Aлиханов Мансурбек Мамасидиқовични янги лавозимга тайинлангани билан табриклаб, фаолиятида улкан муваффақиятлар ва зафарлар тилаб қолади», — дейилади ҳокимлик хабарида.
Aввалроқ Бўстонлиқ туманига янги ҳоким тайинлангани ҳақида хабар берилганди. Шунингдек, Фарҳод Умаров Бухоро вилояти ҳокими вазифасини вақтинча бажарувчи этиб тайинлангани хабар қилинган.
