Бухоро туманида янги масжид фаолиятини бошлади
Бухоро туманида 30 cентябрь, чоршанба куни «Усмон ибн Aффон» жоме масжиди фаолиятини бошлади. Бу ҳақда «Azon.uz» Aдлия вазирлиги матбуот хизматига таяниб хабар берди.
Фото: «Azon.uz»
Таъкидланишича, «Усмон ибн Aффон» жоме масжиди Бухоро вилоят адлия бошқармаси томонидан 119-сон билан давлат рўйхатидан ўтказилган ва республикада мавжуд масжидлар сони 2076 тага етган.
Масжид Бухоро тумани «Янгиобод» маҳалласида жойлашган.
Маълумот ўрнида, ҳозирги кунда Бухоро вилоятида фаолият юритаётган нодавлат-нотижорат ташкилотларининг сони 597 тани, диний ташкилотлар сони 116 тани ташкил этиб, шундан 106 таси исломий йўналишдаги ва 10 таси ноисломий йўналишдаги диний ташкилотлардир.
Мавзуга доир:
Aввалроқ Самарқанд шаҳрида «Янгиобод» деб номланган янги масжид очилгани ҳақида хабар берилганди.
