АҚШнинг «Moderna» компанияси коронавирусга қарши вакцинасини синовдан ўтказишни бошлади
АҚШнинг биотехнология компанияси «Moderna» ўзининг коронавирусга қарши вакцинасини 12 ёшдан юқори болаларда синовдан ўтказишни бошлади. Бу ҳақда «CNN» телеканали хабар берди.
Фото: Getty Images
Маълум қилинишича, «Moderna» болалар ва ўспиринларда ўз вакцинасини синовдан ўтказадиган «Pfizer»дан кейин иккинчи коронавирусга қарши қўлланилаётган вакцина ҳисобланади.
Хабарга кўра, синов олтита — Айдаҳо, Миннесота, Нью-Йорк, Оклахома, Техас ва Юта штатларида яшовчи 12 ёшдан 18 ёшгача бўлган 3000 кўнгиллини қамраб олади. Расмийларнинг таъкидлашича, коронавирусга қарши вакциналарни катталардан олдинроқ болаларда синаб кўриш муҳимдир.
Аввалроқ Трамп АҚШ аҳолиси қачон COVID-19ʼга қарши вакцина билан тўлиқ таъминланишини маълум қилгани ҳақида хабар берилганди. Шунингдек, АҚШда ишлаб чиқариладиган «Moderna» вакцинаси нархи маълум бўлган. Унга кўра, вакцинанинг бир дозаси нархи 25–37 долларни ташкил этади.
