Каттақўрғонда 15 нафар ишсиз хотин-қизнинг бандлиги таъминланди

Самарқанд вилояти Каттақўрғон шаҳрида «Меҳнат ярмаркаси» ташкил қилинди. Унда 15 нафар хотин-қиз иш билан таъминланган. Бу ҳақда вилоят Ички ишлар бошқармаси ахборот хизмати хабар берди.

Фото: Самарқанд вилоят Ички ишлар бошқармаси ахборот хизмати

Таъкидланишича, Каттақўрғон шаҳрида маҳалла ва оилани қўллаб-қувватлаш бўлими, шаҳар Ички ишлар бошқармаси, бандлик бўлими ва бошқа мутасадди ташкилотлар билан ҳамкорликда «Меҳнат ярмаркаси» ташкил қилинган.

Фото: Самарқанд вилоят Ички ишлар бошқармаси ахборот хизмати

Маълумотларга кўра, 200 нафардан ортиқ ишсиз юрган фуқаро, шунингдек, 35 нафар ижтимоий оғир вазиятда яшаб келаётган хотин-қиз иштирок этган. Ярмарка давомида 15 нафар ишсиз юрган хотин-қиз мавсумий иш билан таъминланган, 27 нафар фуқарога йўлланмалар берилган.

Aввалроқ Каттақўрғон шаҳрида ўтказилган «Меҳнат ярмаркаси»да 21 нафар фуқаронинг бандлиги таъминлангани ҳақида хабар берилганди.