Қирғизистонда содир бўлган зилзила кучи Фарғонада сезилди
Фавқулодда вазиятлар вазирлиги Сейсмопрогностик мониторинг Республика марказининг хабар беришича, 19 октябрь куни Тошкент вақти билан соат 15:17 да Қирғизистонда зилзила содир бўлди.
Фото: «Shutterstock»
Маълум бўлишича, зилзила координаталари шимолий кенглик бўйича 39,69 градус, шарқий узунлик бўйича эса 71,99 градусни ташкил этган. Зилзила магнитудаси М=4, чуқурлиги 27 километр. Зилзила эпицентридан Тошкентгача масофа жанубий-шарқий йўналиш бўйича 293 километр бўлган.
Зилзила Ўзбекистон ҳудудида:
Фарғонада : 79 километр, 3 балл.
Эслатиб ўтамиз, 27 cентябрь куни водий вилоятларида зилзила содир бўлгани ҳақида хабар берилганди. Зилзила кучи Наманганда 4 балл, Aндижон ва Фарғонада 2 баллни ташкил этган. Шунингдек, 6 октябрь куни Қирғизистонда содир бўлган зилзила кучи водий вилоятларида сезилгани хабар қилинган.
