«Ўзбекистон журналистика ва матбуот эркинлиги соҳасида шахдам қадамлар ташлади» — Германия элчиси
Миллий масс-медиани қўллаб-қувватлаш ва ривожлантириш жамоат фондида 20 октябрь куни Германиянинг Ўзбекистондаги Фавқулодда ва Мухтор элчиси Гюнтер Оверфельд билан учрашув ўтказилди. Бу ҳақда Масс-медиа фонди ахборот хизмати «Tez News»га хабар қилди.
![](https://teznews.uz/wp-content/uploads/2020/10/photo_2020-10-22_16-25-34.jpg)
Фото: Масс-медиа фонди ахборот хизмати
Хабарга кўра, учрашув Масс-медиа фондининг Васийлик кенгаши раиси Комил Aлламжанов иштирокида ўтказилган. Шунингдек, бўлиб ўтган учрашувда ҳар икки томонни қизиқтирган долзарб мавзулар муҳокама қилиниб, яқин ҳамкорлик ўрнатишга келишиб олинган.
![](https://teznews.uz/wp-content/uploads/2020/10/photo_2020-10-22_16-25-26.jpg)
Фото: Масс-медиа фонди ахборот хизмати
«Мен ҳам ушбу фикрга қўшилиб, яна бир бор таъкидламоқчиманки, бизнинг мамлакатимиз — Германия ва бизнинг федерал ҳукуматимиз ҳамда Ўзбекистондаги элчи сифатида мен албатта, айнан журналистика ва матбуот эркинлиги соҳасида жуда катта натижаларга эришилганлиги ва бу йўналишда шахдам қадамлар ташланганига урғу бермоқчиман», – дейди Германия элчиси Гюнтер Оверфельд ОAВ соҳасидаги ислоҳотлар ҳақида.
![](https://teznews.uz/wp-content/uploads/2020/10/photo_2020-10-22_16-26-37.jpg)
Фото: Масс-медиа фонди ахборот хизмати
Мавзуга доир: Комил Алламжонов: «Журналист ва блогерларнинг ‘овозини ўчириш’ хориждаги бизга душман ОАВларга йўл очиб беради» (видео)
Aввалроқ Масс-медиа фонди янги таълим лойиҳасини бошлаётгани ҳамда Комил Алламжонов «Мендирман Жалолиддин» сериали ижодкорлари «емаган сомсасига пул тўлаётганини» айтгани ҳақида хабар қилинганди.