Қамчиқ довонида ҳайдовчи бошқарувни йўқотиши оқибатида юк машинаси ағдарилиб кетди
Қамчиқ довонида 22 октябрь куни Тошкент—Ўш халқаро автомобиль йўлининг 200-километрида «КIA» юк машинаси ағдарилиб кетди. Бу ҳақда Фавқулодда вазиятлар вазирлиги ахборот хизмати хабар берди.
![](https://teznews.uz/wp-content/uploads/2020/10/b6e76314e1ab20e70689ba34af1f1e64.jpg)
Фото: Фавқулодда вазиятлар вазирлиги ахборот хизмати
Қайд этилишича, воқеа жойига Фавқулодда вазиятлар вазирлигининг «Қамчиқ» махсус қидирув, ёнғин-қутқарув бўлими қутқарувчилари етиб келган. Ҳайдовчининг қўлидан олган жароҳати жиддий бўлмаганлиги сабабли шифохонага ётқизилмаган.
![](https://teznews.uz/wp-content/uploads/2020/10/b28c2d9ffd7824b1cd7dc41d47eccd7f.jpg)
Фото: Фавқулодда вазиятлар вазирлиги ахборот хизмати
Aвтомобиль махсус техника ёрдамида энг яқин хизмат кўрсатиш шохобчасига олиб борилган. Ички ишлар вазирлиги йўл-патруль хизмати ходимлари ушбу жараёнда иштирок этган.
Аввалроқ Наманган шаҳрида 2 та юк машинаси тўқнашиши оқибатда ҳайдовчилардан бири, Жомбойда «Lacetti» юк машинасига урилиши оқибатида эса икки киши ҳалок бўлганди. Шунингдек, Вобкентда йўл четидаги автобусга «Isuzu» келиб урилиши оқибатида 2 киши шифохонага ётқизилганди.