Тошкентнинг яна бир туманида иссиқлик таъминоти вақтинча тўхтатилади
Тошкент шаҳри Мирзо Улуғбек туманининг ҳудудлари авария ҳолати туфайли вақтинча иссиқлик таъминотидан узилади. Бу ҳақда туман ҳокимлиги матбуот хизмати хабар берди.
Қайд этилишича, ТТЗ-2 мавзесидаги қозонхонада авария ҳолати юзага келганлиги сабабли қуйидаги манзилларда вақтинча иссиқлик таъминоти узилади.
- ТТЗ-2 мавзеси: кўп қаватли 1, 2, 7, 8 ва 9-уйлар, 5-ётоқхона.
- Зиёли кўчаси: кўп қаватли 1, 3, 5-уйлар,
- Буюк Ипак йўли кўчаси: кўп қаватли 469, 471, 473, 475, 477 ва 479-уйлар 504-сонли мактабгача таълим ташкилоти, 248-сонли мактаб, 6-сонли оилавий поликлиника.
«Aварияни бартараф этиш бўйича тегишли ташкилотлар иш олиб боришмоқда, бугун соат 16:00 да иссиқлик таъминоти аҳолига етказилади.
Юзага келган ноқулайликлар учун узр сўраймиз», дейилади ҳокимлик хабарида.
Aввалроқ Тошкент шаҳрининг айрим туманлари иссиқлик таъминотидан вақтинча узилгани ҳақида хабар берилганди.