Туркияда Россиянинг «Sputnik V» вакцинасини ишлаб чиқариш йўлга қўйилади
Туркияда Россиянинг «Sputnik V» вакцинасини ишлаб чиқариш йўлга қўйилади. Бу ҳақда РИА Новости хабар берди.
Фото: «Anadolu agency»
Маълум қилинишича, Россия тўғридан-тўғри фонди фармацевтика маҳсулотлари ишлаб чиқарувчи етакчи компанияси билан вакцина ишлаб чиқариш бўйича келишув имзолаган ва технологияларни алмашишни бошлаган.
«Йилига 1 миллион доза «Sputnik V» вакцинасини ишлаб чиқариш кутилмоқда. Келажакда ишлаб чиқариш ҳажмини кенгайтириш имкониятлари ҳам кўриб чиқилмоқда. Вакцина Туркия ички бозорига ва бошқа давлатларга етказиб берилади», дейилади фонд хабарида.
Турк компанияси самарадорлиги 90 фоиз бўлган вакцинага катта қизиқиш билдиргани айтилмоқда. Маълумот учун, «Sputnik V» вакцинаси Россия, Венгрия, Беларус, Аргентина, БАА, Сербия, Боливия, Жазоир, Фаластин, Венесуэла, Парагвай ва Туркманистонда рўйхатдан ўтказилган.
Аввалроқ Норвегияда «Pfizer» вакцинаси билан эмланганидан сўнг 23 киши вафот этгани ҳақида хабар берилган эди. Шунингдек, Хитойда 8 ойдан бери биринчи марта COVID-19’дан ўлиш қайд этилган.
