Ўзбекистонда сотувга чиқаётган янги «Tracker»нинг нархи маълум бўлди
Ўзбекистонда 25 январь куни сотувга чиқарилиши режалаштирилган янги авлод «Траcкер»ининг нархи маълум бўлди. Бу ҳақда «Avto.Repost» «UzAuto Motors»даги манбаларига таяниб хабар берди.
Фото: «Avto.Repost»
Қайд этилишича, янги «Tracker» харидорлар учун муҳим бўлган жиҳатларни ўзида мужассамлаштирган:
- замонавий дизайн;
- хавфсизлик;
- қулайлик;
- самарадорлик;
- тежамкорлик.
Шунингдек, автомобиль панорама люк, Led чироқлар ва 8 дюймли сенсор экранга эга бўлган аудио тизим билан жиҳозланган.
Шу билан бирга қуйидаги техник хусусиятлар эга:
- замонавий уч цилиндрли «Ecotec» турбомотор;
- аралаш циклдаги ёқилғи сарфи 5,5 л / 100 км, қуввати 123 от кучи;
- 6 поғонали автоматик узатмалар қутиси;
- калитсиз салонга кириш ва двигателни ишга тушириш;
- ёқилғи сарфини тежашга мўлжалланган «Stop-start» интеллектуал тизими;
- янгиланган ва катта ҳажмли юкхона.
Янги «Tracker» 2021 йилнинг 25 январь санасидан бошлаб қуйидаги комплектацияларда, «Chevrolet» стандартлари талабларига тўлиқ жавоб берадиган дилерлик марказларида харид қилиш мумкин:
- бошланғич комплектация: 145 130 000 сўмдан бошланади;
- LT комплектация: 193 043 478 сўм. (Нархлар ҚҚСсиз кўрсатилган)
Аввалроқ «Chevrolet Tracker»нинг Хитойда ишлаб чиқарилган асл варианти Ўзбекистонга юборилгани ҳақида хабар берилганди. Шунингдек, Аввалроқ Жиззахда ноябрдан «KIA» автомобилларининг янги моделлари ишлаб чиқарилиши хабар қилинган.
