Тошкентнинг бир туманида ичимлик суви таъминоти вақтинча тўхтатилади
Тошкент шаҳри Яшнобод тумани аҳолиси бир сутка давомида ичимлик суви таъминотидан узилади. Бу ҳақда туман ҳокимлиги матбуот хизмати хабар берди.
Фото: «Tez News»
Қайд этилишича, тумандаги Ховос кўчасида кўп қаватли уйларни марказий ичимлик сув тармоғига улаш ишлари амалга оширилмоқда.
Шу сабабли 26 декабрь куни соат 9:00 дан 27 декабрь куни соат 9:00 гача қуйидаги мазилларда сув таъминоти вақтинчалик тўхтатилади:
- Ховос кўчаси 100/1,2,3,4,5-уйлар;
- 155-мактаб;
- Кўприкли кўчасидаги 40 та хонадон;
- 421-мактагача таълим ташкилоти;
- Ховос 1,2,3,4-тор кўчаларидаги 270 хонадон.
Аввалроқ Тошкент шаҳар Учтепа туманининг айрим ҳудудлари 1 декабрь куни 12 соатга сув таъминотидан узилгани ҳақида хабар берилганди. Шунингдек, Тошкент шаҳри Мирзо Улуғбек туманининг ҳудудлари авария ҳолати туфайли вақтинча иссиқлик таъминотидан узилгани хабар қилинган.
