Коронавирус ўпкадан ташқари организмнинг бошқа аъзоларини ҳам зарарлайдими? Мутахассис жавоб берди
Самарқанд вилоят санитария-эпидемиологик осойишталик маркази раҳбари Адҳам Баҳромов коронавирус нафақат ўпка, балки организмнинг бошқа аъзоларини ҳам зарарлаши мумкинлиги ҳақида маълумот берди.
«Афсуски, бу вирус кундан-кунга ўз қиёфасини ўзгартиряпти. Дунё олимлари қатори мамлакатимизда вируснинг кечиши билан боғлиқ ҳолатлар доимий равишда ўрганиб борилмоқда. Шунинг учун даволаш стандартлари тез-тез ўзгаряпти, унга қўшимчалар киритиб борилмоқда.
У марказий нерв тизимига, қолаверса, инсон организмининг турли аъзоларига ўз таъсирини кўрсатяпти. Шунинг учун сурункали хасталиклари бор инсонлар ўзини эҳтиёт қилиши лозим. У ёки бу хасталикдан даволанган кишилар ҳам соғликларига эътиборли бўлишлари зарур», — дейди Адҳам Баҳромов.
Шунингдек, мутахассис касалликни енгишнинг асосий омили соғлом овқатланиш, жисмоний ҳаракатларни ўз вақтида амалга ошириш эканлигини таъкидлади.
Мавзуга доир: «Ҳожатхона ва лифтларга кириб-чиқишдан олдин антисептик воситаларидан фойдаланиш шарт» — Севара Убайдуллаева
Аввалроқ Россия Ўзбекистонга 35 миллион доза коронавирусга қарши вакцина етказиб бериши, Aндижонга COVID-19’га қарши курашда кўмаклашиш учун 35 нафар россиялик шифокор келгани ҳақида хабар қилинганди.
