ХАМАС асирдаги исроилликларни биринчи гуруҳини озод қилди
Фаластиннинг ХАМАС ҳаракати тинчлик келишуви доирасида Ғазо секторида асирга олинган исроилликларнинг биринчи гуруҳини озод қилди, деб хабар бермоқда Times of Israel нашри.
Жумладан, Ғазо секторида асирга олинган 7 нафар исроиллик озод қилинди. Биринчи гуруҳ, Алон Охел, Матан Ангрест, Эйтан Мор, Гали ва Зив Берманлар, Омри Миран ва Гай Гильбоа-Даллалдан ташкил этди.
Гаровга олинганлар исроиллик ҳарбий хизматчилар билан учрашиб, кейинроқ Исроил жанубидаги Реим бирламчи қабул қилиш марказига ўтказилган.
ХАМАС аввалроқ, 13 октябр куни озод қилишни режалаштираётган 20 нафар шахс рўйхатини эълон қилган. Жараён икки босқичда, бугун амалга оширилиши режалаштирилган.
