Фаластин елчиси Ўзбекистондаги дипломатик миссиясини якунлади

Жавад Муҳаммад Aвад Фаластиннинг Ўзбекистондаги елчиси сифатидаги дипломатик миссиясини якунламоқда, деб хабар қилди Ташқи ишлар вазирлиги матбуот хизмати.

Ўзбекистон ташқи ишлар вазири Бахтиёр Саидов елчини қабул қилди.

Муносабатларини мустаҳкамлаш ва халқларимиз ўртасидаги дўстликни чуқурлаштириш йўлидаги Елчинининг саъй-ҳаракатларига чин дилдан миннатдорлик билдирамиз. Ўзбекистон БМТ резолюцияларига мувофиқ, «икки халқ учун – икки давлат» тамойилини амалга оширишнинг қатъий тарафдори, — деб таъкидланди.

Шунингдек, елчи жанобларига келгуси фаолиятида муваффақиятлар тиланди.