Ўзбекистонда Face-ID орқали пенсия тўлаш тизими йўлга қўйилди

Фуқароларни биометрик идентификация қилиш (Face-ID) орқали нақд шаклда пенсияларни тўлаш жараёнлари бошланди. Бу ҳақда пенсия жамғармаси хабар берди.

Жорий йилнинг октябрь ойидан бошлаб ҳудудларда пенсияларни нақд пул шаклида тўлаш фуқароларни биометрик идентификация қилиш (Face-ID) ҳамда уларнинг имзосини электрон шаклда олиш орқали амалга оширилиши бошланди.

Қайқ этилишича, тизимни жорий этишдан кўзланган мақсад пенсияларни фуқароларга тўлиқ ва ўз вақтида етказиб бериш.

Эндиликда тўлов жараёнида бўлиши мумкин бўлган Халқ банки томонидан ҳисоботларда «тўланди» деб ҳисобот берилиб, амалда фуқарога тўланмаслик ёки бошқа шахсларга тўлаб юбориш ҳолатлари олди олинади, — деб таъкидланди.