Андижон шаҳар ҳокими ўн биринчи фарзанди туғилган оиланинг хонадонига борди (фото)
Андижон шаҳар ҳокими Баҳром Ҳайдаров 11-фарзанди дунёга келган оиланинг хонадонига ташриф буюрди. Бу ҳақда шаҳар ҳокимлиги матбуот хизмати хабар берди.
Фото: Андижон шаҳар ҳокимлиги матбуот хизмати
Маълум қилинишича, шаҳар ҳокими Баҳром Ҳайдаров 12 сентябрь, шанба куни «Янги ҳаёт» МФЙ Орол кўчасида истиқомат қилувчи Қодирохуновлар оиласига борган.
Фото: Андижон шаҳар ҳокимлиги матбуот хизмати
Баҳром Ҳайдаров оилани янги туғилган чақалоқ билан табриклаган.
Фото: Андижон шаҳар ҳокимлиги матбуот хизмати
Қайд этилишича, шаҳар ҳокими оилага кир ювиш машинаси, телевизор, иситиш печи, болалар аравачаси, болалар ётоғи, турли ўйинчоқлар ва бошқа анжомлар совға қилган.
Фото: Андижон шаҳар ҳокимлиги матбуот хизмати
Маълумот учун, 39 ёшли Насиба Қодирохунова 7 сентябрь куни ўн биринчи фарзандини дунёга келтирган. Қодирохуновлар оиласида 8 қиз ва 3 ўғил бор эканлиги қайд этилган.
Фото: Андижон шаҳар ҳокимлиги матбуот хизмати
Фото: Андижон шаҳар ҳокимлиги матбуот хизмати
Мавзуга доир: Андижонда 39 ёшли аёл 11-фарзандини дунёга келтирди
Аввалроқ Андижон шаҳар ҳокими фуқаролар мурожаатларини қабул қилгани ва хотин-қизларни доимий иш ўрни билан таъминлаш масаласини кўриб чиққани хабар берилган эди. Шунингдек, Андижонда шаҳар ҳокими иштирокида 26 нафар мактаб битирувчисига 303 миллион сўм имтиёзли кредит берилгани маълум қилинди.
