Ўзбекистонда 2020 йилда электр энергиясидаги узилишлар икки бараварга камайди — Энергетика вазирлиги
Ўзбекистон Энергетика вазирлиги мавжуд электр станциялари ва тармоқларини модернизация қилиш йўналишида олиб борилаётган ишлар натижасида 2020 йилда электр энергияси билан узилишлар сони икки баравар камайганини маълум қилди.
Фото: Энергетика вазирлиги ахборот хизмати
Хабарга кўра, Ўзбекистондаги мавжуд электр станцияларининг ҳозирги қуввати аҳоли ва мамлакат иқтисодиётининг электр энергиясига бўлган эҳтиёжини, шу жумладан, куз-қиш даврида тўла қондиришга имкон беради. Хусусан, энг юқори юк пайтида, айниқса, совуқ ва иссиқ мавсумда содир бўладиган электр энергиясининг узилиши ҳодисалари одатда эскирган электр станциялари билан боғлиқ.
Маълум қилинишича, ҳозирда ишлатилаётган электр станцияларининг 50 фоизи 30—40 йил ишлайди. Уларнинг ёмонлашишини ҳисобга олган ҳолда, электр станцияларининг айрим энергия блокларида узилишлар юз бериши мумкин, бу эса ушбу блокларнинг ишдан чиқишига олиб келади. Одатда уларни таъмирлаш учун 3—5 соат вақт кетади. Таъкидланишича, ушбу ҳодисалар электр энергиясининг қисқа муддатли узилишларининг сабаблари ҳисобланади.
Мавзуга доир: «Ўзбекистон 2020 йилда ‘Лукойл’дан 5 млрд куб метр газ сотиб олган» — Энергетика вазирлиги
Хабарда айтилишича, тизимни автоматлаштириш орқали бундай тўхташлар амалга оширилиши мумкин. Шу билан бирга, Марказий Осиё минтақасида Ўзбекистон ва қўшни давлатларнинг электр энергия тизимларини бирлаштириш орқали бир неча соат ичида электр энергияси етказиб беришнинг кафолати ҳисобланади.
Қайд этилишича, электр станциялари ва электр тармоқларини модернизация қилиш бўйича ишлар ҳар куни давом этмоқда ҳамда электр таъминотидаги узилишлар сони ва давомийлиги бўйича алоҳида мониторинг ўрнатилди, бу эса электр таъминотидаги муаммоли жойларни топишга ва йўқ қилишга имкон беради.
Эслатиб ўтамиз, Олий Мажлис Сенати Мудофаа ва хавфсизлик масалалари қўмитасининг 30 октябрь куни бўлиб ўтган мажлисида қўмита раиси ўринбосари, сенатор Толиб Мадумаров марказий қувурлар СССР давридан буён алмаштирилмаганини танқид қилган эди. Бундан ташқари, қўмита раиси Қутбиддин Бурҳонов чекка ҳудудларда яшовчи аҳолига газ етиб бормаслиги, аммо ўша ерда газ қуйиш шохобчалари фаолият юритаётганини танқид қилган.
