Қўшиқчи Сардор Мамадалиенинг онаси вафот этди
Таниқли қўшиқчи Сардор Мамадалиевнинг онаси 28 декабрь, душанба куни вафот этди. Бу ҳақда хонанда ўзининг Instagram саҳифасида маълум қилди.
«Онажон, жойингиз жаннатда бўлсин! Сўнгги манзилга кузатганимизга 2 кун бўлдию, лекин назаримда 2 кунмас, 20 йилдан бери кўрмагандекман. Фақат ширин хотиралар қолди, сизни жуда соғиндим, она», — деб ёзади Сардор Мамадалиев.
Эслатиб ўтамиз, унинг она, ота-она ҳақида қатор қўшиқлари бор. Жумладан, хонанда «Она», «Ота-она дуоси», «Онам қариганин сезмай қолибман» каби қўшиқларни ижро этган.
Аввалроқ ўлдириб кетилган ўзбек дизайнери Нариман Григоряннинг онаси вафот этгани ҳақида хабар берилган эди.