Президент Қорақалпоғистон Жўқорғи Кенгеси сессиясида иштирок этиш учун Нукусга жўнаб кетди
Шавкат Мирзиёев 2 октябрь, жума куни Нукус шаҳрига жўнаб кетди. Бу ҳақда Президент матбуот хизмати хабар берди.
![](https://teznews.uz/wp-content/uploads/2020/10/109282a0-cd63-66d1-29fe-f7124201c4e41.jpg)
Фото: Президент матбуот хизмати
Қайд этилишича, давлат раҳбари Қорақалпоғистон Республикаси Жўқорғи Кенгесининг навбатдан ташқари сессиясида иштирок этади.
Сафар давомида, шунингдек, бунёдкорлик ишлари, янги корхоналар фаолияти билан танишиш режалаштирилган.
![](https://teznews.uz/wp-content/uploads/2020/10/9dc54a81-16c9-e6a4-2f0d-0135d8742c182-1.jpg)
Фото: Президент матбуот хизмати
![](https://teznews.uz/wp-content/uploads/2020/10/db3e9726-d20d-26c0-86c8-4e4d00045ef43.jpg)
Фото: Президент матбуот хизмати
Эслатиб ўтамиз, Қорақалпоғистон Жўқорғи Кенгеси раиси Муса Ерниязов 31 июль куни вафот этган. Кейинчалик Қорақалпоғистон Соғлиқни сақлаш вазирлиги унинг ўлими сабабини маълум қилган.
Шунингдек, Шавкат Мирзиёев 1 август куни Муса Ерниязов хотирасига бағишланган таъзия маросимида иштирок этиш учун Қорақалпоғистонга борган. Президент у ерда марҳумнинг қабрини зиёрат қилиб, таъзия маросимида қатнашган.