Қўштепада ўтказилган «Меҳнат ярмаркаси»да 127 киши иш билан таъминланди

Фарғона вилояти Қўштепа туманида 9 октябрь куни ўтказилган «Меҳнат ярмаркаси»да 127 киши иш билан таъминланди. Бу ҳақда вилоят прокуратураси ахборот хизмати хабар берди.

Фото: Фарғона вилоят прокуратураси ахборот хизмати

Таъкидланишича, 9 октябрь куни Қўштепа туман 2-сектори ҳудудида ёшлар ҳамда ишсиз ва боқувчисиз хотин-қизлар бандлигини таъминлаш мақсадида ярмарка ташкил этилди.

Фото: Фарғона вилоят прокуратураси ахборот хизмати

«Меҳнат ярмаркаси»да 188 та тадбиркорлик субъектлари, корхона ва муассасалар 918 та бўш иш ўрни билан иштирок этиб, 127 нафар фуқаронинг, шу жумладан, 57 нафар аёл, 70 нафар ёшнинг (14 нафар мактаб битирувчиси) меҳнат бандлиги таъминланди.

Фото: Фарғона вилоят прокуратураси ахборот хизмати

Фото: Фарғона вилоят прокуратураси ахборот хизмати

Аввалроқ Ўзбекистон туманида ўтказилган «Меҳнат ярмаркаси»да 15 киши иш билан таъминлангани ҳақида хабар берилганди. Шунингдек, Самарқандда ҳам 5,7 минг нафар ижтимоий ҳимояга муҳтож фуқаро доимий иш билан таъминланган.