Фарғонада юк машинаси билан тўқнашган «Damas» ҳайдовчиси воқеа жойида ҳалок бўлди — фото

Фарғона вилояти Ўзбекистон туманида 12 январь куни юк машинаси билан тўқнашган «Damas» ҳайдовчиси воқеа жойида ҳалок бўлди. Бу ҳақда вилоят Ички ишлар бошқармаси ахборот хизмати хабар қилди.

Фото: Фарғона вилоят Ички ишлар бошқармаси ахборот хизмати

Унга кўра, 12 январь куни фуқаро Ж.П. «Damas» русумли автомашинасини Дахана-қақир қишлоғи ҳудудида бошқариб кетаётиб, қарама-қарши йўналишдаги М.З. бошқараётган «МAN» русумли юк автомашина билан тўқнашган. Йўл транспорт ҳодисаси оқибатида Ж.П. тан жароҳати олиб, ҳодиса жойида вафот этган.

Фото: Фарғона вилоят Ички ишлар бошқармаси ахборот хизмати

Мазкур ҳолат юзасидан Ўзбекистон тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми билан жиноят иши қўзғатилиб, тергов ҳаракатлари олиб борилмоқда.

Фото: Фарғона вилоят Ички ишлар бошқармаси ахборот хизмати

Аввалроқ Самарқандда «Lacetti» уриб юборган 16 ёшли қиз шифохонада вафот этгани ва Екатеринбургда йўл транспорт ҳодисаси оқибатида ўзбекистонлик 5 ёшли бола ва 27 ёшли аёл ҳалок бўлгани хабар қилинганди. Шуниннгдек, Тошкентда дарахтга бориб урилган «Malibu» ёниб кетгани хабар қилинган.