Ғиждувонда «темир дафтар»га киритилган оилаларнинг 3 мингдан ортиқ фарзандига ёрдам пулларини етказиш бошланди (фото)

Бухоро вилояти Ғиждувон туманида «темир дафтар»га киритилган оилаларнинг 3330 нафар фарзандига бир марталик ёрдам пулларини етказиш бошланди. Бу ҳақда туман ҳокимлиги ахборот хизмати хабар берди.

Фото: Ғиждувон туман ҳокимлиги ахборот хизмати

Маълум қилинишича, мазкур тадбирни ўтказиш Шавкат Мирзиёевнинг 26 августдаги «Аҳолини ижтимоий қўллаб-қувватлашга қаратилган қўшимча чора-тадбирлари тўғрисида»ги қарорига мувофиқ белгиланган.

Фото: Ғиждувон туман ҳокимлиги ахборот хизмати

Қайд этилишича, бир марталик ёрдам пулларини тарқатиш туман 1-сектор ҳудудига қарашли «Қассобон» маҳалла фуқаролар йиғинидан бошланган.

Фото: Ғиждувон туман ҳокимлиги ахборот хизмати

Маълумот учун, туман «темир дафтар» рўйхатида 1697 та оиланинг 3330 та фарзанди жой олган. Мазкур болаларга жами 1 миллиард 665 миллион сўм моддий ёрдам пуллари етказилиши режалаштирилган.

Фото: Ғиждувон туман ҳокимлиги ахборот хизмати

Фото: Ғиждувон туман ҳокимлиги ахборот хизмати

Фото: Ғиждувон туман ҳокимлиги ахборот хизмати

Фото: Ғиждувон туман ҳокимлиги ахборот хизмати

Аввалроқ Самарқанддаги 16 ёшга тўлмаган болаларга 55 миллиард сўмдан ортиқ моддий ёрдам пули берилиши ҳақида хабар берилган эди. Кейинчалик Марғилондаги 22 та маҳаллада 16 ёшга тўлмаган болалар учун бир марталик ёрдам пуллари тарқатилгани маълум қилинганди.