Жондорда 7 та йўналишда таълим берувчи 2 та касб-ҳунар мактаби анъанавий шаклда фаолиятини бошлади (фото)

Бухоро вилояти Жондор туманида 2 та касб-ҳунар мактаби анъанавий таълим шаклида ўз фаолиятини бошлади. Бу ҳақда туман ҳокимлиги ахборот хизмати хабар берди.

Фото: Жондор тумани ҳокимлиги ахборот хизмати

Таъкидланишича, 2020—2021 ўқув йилида тумандаги умумтаълим мактабларининг 9-синфини тамомлаган ўқувчиларнинг касб-ҳунарга қизиқишини инобатга олиб, 1-сон касб-ҳунар мактабига 213 нафар ўқувчи 7 та йўналиш бўйича ўқишга қабул қилинган. Шунингдек 2-сон касб-ҳунар мактабига 227 нафар ўқувчи 7 та йўналиш бўйича биринчи босқичга ўқишга қабул қилинган.

Фото: Жондор тумани ҳокимлиги ахборот хизмати

Барча йўналишлар бўйича тумандаги ташкилотлар билан ҳамкорлик шартномалари тузилган бўлиб, ўқувчилар бевосита ўқув ва ишлаб чиқариш амалиётларини ташкилотларда амалга оширади.

Фото: Жондор тумани ҳокимлиги ахборот хизмати

Фото: Жондор тумани ҳокимлиги ахборот хизмати

Аввалроқ Вобкентда янги касб-ҳунар мактаби фаолият бошлангани ҳақида хабар берилганди.