Туркияда ўзбекистонлик қизларни жинсий қулликда сақлаган гуруҳ қўлга олинди — видео

Туркиянинг Измир шаҳрида полиция ходимлари Ўзбекистондан келган аёлларни фоҳишалик билан шуғулланишга мажбурлаётган жиноий гуруҳ аниқланди. Бу ҳақда «Haberlar» ннашри хабар берди.

Кадр: YouTube

Хабарда айтилишича, ушбу гуруҳ 3 та давлатдан келган аёлларни тутқунликда ушлаб турган. Ҳозирда ҳуқуқ-тартибот идоралари ходимлари 6 кишини ҳибсга олгани айтилмоқда. Улар изидан тахминан 4 ой давомида кузатув олиб борилган.

Махсус операция бир вақтнинг ўзида шаҳарнинг турли қисмларида амалга оширилган. Полиция Россия, Украина, Ўзбекистон ва Қирғизистон фуқаролари сақланган бир нечта «притон-квартиралар»ни топган. Жами 8 нафар аёл қутқарилган. Улар калтакланиб, психологик босим орқали фоҳишаликка мажбурланган.

Ушбу ҳолат бўйича ҳозирда жиноий иш қўзғатилган. Aёлларни ўз ватанига депортация қилиш масаласи ҳал қилинмоқда.

Аввалроқ Ўзбекистонлик аёлларни Истанбулда фоҳишалик қилишга мажбурлаган гуруҳ қўлга олингани ҳақида хабар берилганди.