Алишер Усмоновнинг жияни Ганя Усмонованинг дугонаси тўйга тайёргарлик жараёнлари акс этган видеони эълон қилди
Алишер Усмоновнинг жияни Ганя Усмонова 14 декабрь куни иккинчи марта турмушга чиққани ҳақида хабар берилганди. Усмонованинг яқин дугонаси ва админстратори Севилия Абдувалиева 19 декабрь куни севишганларнинг тўйга тайёргарлик жараёни акс этган видеони ўзининг Instagram’даги саҳифасига жойлаштирди.
Фото: Instagram/@ganyausman
«Болалар, сизлар зўрсизлар! Тўй менинг нигоҳимда», — деб постга изоҳ қолдирган Севилия.
Видеороликда Ганя Усмонова ва турмуш ўртоғининг биргаликда тўйга тайёргарлик кўраётганини кўриш мумкин. Шунингдек, видеода икки севишганнинг овқатланиш, дам олиш ва баҳслашиш жараёнлари тасвирланган.
Эслатиб ўтамиз, Ганя Усмонованинг тўйи «Tashkent city»даги «Hilton» меҳмонхонасининг «BallRoom» зиёфат залида келин-куёвнинг яқинлари даврасида бўлиб ўтган. Унда Усмонова марҳум акасининг рафиқаси Диёра Усмоновага тегишли «Saadi London» брендидаги келинлик либосини кийган. Оқшомда Фаррух Зокиров ҳамда Юлдуз Усмонова иштирок этиб, энг машҳур тароналарини ижро этган.
Маълумот ўрнида, Ганя 2017 йилда теннисчи Важа Узоқовга турмушга чиққанди. Жуфтлик кўп ўтмай ажрашиб кетган.
Аввалроқ Ганя Усмонова вафот этган акасининг орзусини давом эттираётганини айтганди. Қайд этилишича, Ганя Усмонова ресторан очиш 2013 йилда йўл транспорт ҳодисасига учраб вафот этган акаси Бобур Усмоновнининг азалий орзуси эканини таъкидлаган. Шунингдек, Ганя ўзининг интервьюсида марҳум акасининг орзусини давом эттираётганини айтган.
