Когонда электр энергияси учун бетон-таянчлар ўрнатилди
Бухоро вилояти Когон туманида электр энергияси учун бетон-таянчлар ўрнатилди. Бу ҳақда «Бухоро ҳудудий электр тармоқлари корхонаси» матбуот хизмати хабар берди.
Фото: «Бухоро ҲЭТК» АЖ матбуот хизмати
Маълум қилинишича, Когон туман электр таъминоти корхонаси ходимлари томонидан туманнинг «Хўжа-баргида» МФЙ ҳудудида жойлашган 73-сонли трансформатор пунктининг 0,4 киловаттли ҳаво тармоғида реконструкция ишлари бажарилган.
Фото: «Бухоро ҲЭТК» АЖ матбуот хизмати
Шунингдек, Когон шаҳар Халқлар дўстлиги кўчасидаги 5 ва 6-уйлар оралиғидаги 0,4 киловаттли ерости кабель тармоғини янгилаш ишлари олиб борилган.
Фото: «Бухоро ҲЭТК» АЖ матбуот хизмати
Туман ЭТК томонидан туманнинг электр энергияси истеъмолчиларини меъёр даражасидаги энергияга бўлган талабини қондириш борасидаги ишлар шакллантирилган дастурлар асосида босқичма-босқич амалга оширилиб келинаётгани қайд этилган.
Фото: «Бухоро ҲЭТК» АЖ матбуот хизмати
Фото: «Бухоро ҲЭТК» АЖ матбуот хизмати.
Аввалроқ Самарқанднинг 3 та ҳудудидаги 5 та трансформатор таъмирлаш ишларидан сўнг ишга туширилгани ва Иштихонда 13 та трансформатор пункти, 17,5 километр электр тармоғи ҳамда 300 дона темир-бетон устуни ўрнатилгани ҳақида хабар берилган эди. Кейинчалик Марҳаматда учта янги электр узатиш тармоғи ишга туширилгани ҳамда Косонсойда депутатлик сўровидан сўнг мактаб ҳудудидаги трансформатор олиб ташлангани маълум қилинди.
