2024 йилги байдарка ва каноэда эшкак эшиш бўйича жаҳон чемпионати: Самарқандда кўришамиз
Дунёнинг энг гўзал шаҳарларининг бирида ўтказиладиган улкан спорт тадбирига тайёргарлик кўринг.
Ноёб ҳодиса: Осиёда илк бор байдарка ва каноэда эшкак эшиш бўйича жаҳон чемпионати Ўзбекистоннинг тарихий маркази — Самарқанд шаҳрида бўлиб ўтади. 23-25 август кунлари шаҳар барча қитъаларнинг энг кучли спортчиларини ўзида жамлаган жаҳон спорти марказига айланади.
Нега айнан Самарқанд?
Қадимий обидалари ва бой маданияти билан дунёга машҳур Самарқанд энди улкан спорт ҳодисасининг майдонига айланади. Чемпионатнинг айнан шу ерда ўтказилиши бир қанча муҳим афзалликларга эга:
• Жаҳон ҳамжамиятининг эътиборини Ўзбекистоннинг бой тарихи ва маданиятига қаратиш.
• Халқаро спорт алоқалари ва ҳамкорликни мустаҳкамлаш.
• Халқаро аренада мамлакат нуфузини ошириш.
Ютуқлар учун фахр
Ўзбекистон ўзининг спорт ютуқлари билан ҳақли равишда фахрланади. Мамлакат шарафини улуғлаган машҳур спортчилар орасида қуйидагиларни эътироф этиш мумкин:
• Артур Гулиев — Дуйсбургдаги жаҳон чемпионатининг олтин медали соҳиби, 2023 йилда Венгрияда ўтказилган Жаҳон кубогининг ғолиби;
• Владлен Денисов — Осиё ўйинларининг 4 карра чемпиони;
• Арина Танатмишева — Осиё ва жаҳон чемпионатлари ғолибаси, шунингдек, бир неча бор Ўзбекистон чемпиони бўлган;
• Нилуфар Зокирова — 2019 йилда Шанхайда ўтказилган Осиё чемпионати ғолибаси;
• Екатерина Шубина — Осиё ўйинларининг 2 нафар кумуш ва 3 нафар бронза медаллари соҳибаси;
• Герасим Кочнев — бир неча маротаба қитъа чемпионатлари ҳамда Осиё ўйинларининг совриндори. Rio-2016 Олимпия ўйинлари иштирокчиси.
Жойлашув ва кириш
Самарқанддаги эшкак эшиш канали бежиз танланмаган — ушбу тарихий маскан бундай даражадаги мусобақалар учун мукаммал мос келади, чунки шаҳарда жойлашган эшкак эшиш канали Марказий Осиёнинг бундай турдаги ягона сунъий спорт иншоотидир. 1 кунлик кириш чиптасининг нархи — 100.000 сўм. 3 кунлик чиптанинг нархи — 250.000 сўм. Чипталарни ITicket.uz сайтида харид қилиш мумкин.
Илҳом ва ҳаяжонли дақиқалар
Байдарка ва каноэда эшкак эшиш бутун дунё бўйлаб кўплаб мухлисларни ўзига жалб қиладиган динамик спорт туридир. Эркаклар ва аёллар ўртасидаги мусобақалар ёрқин ва ҳаяжонли дақиқаларни ваъда қилади.
Қўллаб-қувватлаш ва ҳомийлик
Жаҳон чемпионати Ўзбекистон Республикаси Миллий олимпия қўмитаси, Ўзбекистон Rowing & Canoe федерацияси ҳамда Халқаро каноэ федерацияси (ICF) кўмагида ўтказилмоқда. Тадбирнинг расмий ҳомийси — ушбу муҳим тадбирни ташкиллаштириш ва ўтказишга катта ҳисса қўшаётган, Ўзбекистонда спорт ва маданиятни ривожлантириш, шунингдек, халқаро алоқаларни мустаҳкамлашга кўмаклашаётган InfinBANKдир.
Таклиф
Спорт ва фаол дам олишнинг барча ишқибозларини Самарқанд шаҳрида бўлиб ўтадиган байдарка ва каноэда эшкак эшиш жаҳон чемпионатига ташриф буюришни таклиф қиламиз. Ушбу ноёб тадбирнинг бир қисми бўлиш — ҳаяжонли муҳитни ҳис қилиш ва ижобий ҳиссиётларга тўлиш учун ажойиб имкониятдир!
Самарқандда кўришгунча!
Янгиликларни Ўзбекистон Республикаси Rowing & Canoe федерациясининг Instagram саҳифасида кузатиб боринг.
