«Дўстимнинг ҳамма орзуларини рўёбга чиқаряпман»: Улуғбек Шодибеков марҳум Фарҳод Манноповнинг опасига автомобиль совға қилди
Блогер ўз Instagram-саҳифасида таъсирли видео нашр этди.
2023-йилнинг март ойи бошида деярли бутун Ўзбекистон аҳолисини ларзага солган мудҳиш янгилик тарқалди. Таниқли блогер Фарҳод Маннопов 27 ёшида ҳаётдан кўз юмди. Йигит ҳовузда чўмилиш вақтида олинган жароҳат натижасида бурнига қилинган операциядан сўнг вафот этди. Маннопов комага тушиб, қайтиб уйғонмаган.
Куни-кеча блогернинг дўсти Улуғбек Шодибеков видео нашр қилиб, дўстининг орзуларидан бирини рўёбга чиқарганини айтди: у Фарҳод Манноповнинг опасига «Chevrolet Gentra» русумли автомобиль совға қилди.
«Дўстим, ҳали кўрасан, мен сен қилган барча орзуларни рўёбга чиқараман», – деди у видеода.
