Туркияда ИШИДга алоқадорликда гумон қилинган 50 дан ортиқ киши қўлга олинди

Туркия ички ишлар вазири Али Ерликая ижтимоий тармоқдаги саҳифасида ИШИД террорчилик гуруҳига аъзоликда гумон қилинган 51 киши қўлга олинганини маълум қилди.

«21 вилоятда ИШИДга қарши ўтказилган тўрт кунлик операция натижасида 51 киши қўлга олинди», — деди вазир.

Операциялар Истанбул ва Анталияда амалга оширилди. Тинтувлар чоғида террорчилик гуруҳларига тегишли кўплаб ҳужжатлар олиб қўйилди.