Санкт-Петербургда инсонларни миллатини аниқлайдиган камералар ўрнатилди
Россиянинг Санкт-Петербург шаҳрида одамларни миллат ва ирқига қараб аниқлайдиган кузатув камералари ўрнатилди. Бу ҳақда шаҳар администрацияси ҳузуридаги Ахборот технологиялари ва коммуникациялари қўмитаси раҳбари ўринбосари Игор Никонов маълум қилди.
Ушбу хабарни у депутатларнинг ноқонуний меҳнат миграцияси билан боғлиқ вазиятни назорат қилишда «Хавфсиз шаҳар» тизими қандай қўлланилмоқда, деган саволига қарата жавоб берди.
Бизда аналитиканинг бир тури бор — у ирқларнинг бир нечта турини, жами олти турдаги миллатларни аниқлай олади. Бу орқали биз шаҳар кўчаларида маълум миллатларнинг концентрациясини билишимиз мумкин, — деди Никонов (унинг сўзларидан иқтибос келтирди портал 78.ru)
Эслатиб ўтамиз, Москвада 1-сентябрдан бошлаб мигрантларни кузатишн учун мобил илова ишга туширилиши хабар қилинганди. Иловада QR-код ёрдамида полиция ходими мигрант ҳақида ҳамма нарсани билиб олади — қачон келгани, қанча муддатга, қаерда ишлагани, миграция қоидабузарликлари бор-йўқлигини.
