Президент фармони билан Тошкентда экологик вазиятни яхшилашга қаратилган махсус комиссия тузилди
Президент Шавкат Мирзиёев «Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида»ги фармонни имзолади.
Фармонга мувофиқ, Тошкент шаҳрида экологик вазиятни яхшилаш юзасидан кечиктириб бўлмайдиган чора-тадбирларни амалга ошириш бўйича махсус комиссия тузилди.
Махсус комиссия атмосфера ҳавоси сифатига салбий таъсир қилувчи моддалар ёққан иссиқхоналар ва бошқа объектлар фаолиятини вақтинча тўхтатади ёки тугатади, — деб таъкидланди.
Эслатиб ўтамиз, кеча Ўзбекистон президенти Администрацияси раҳбари Саида Мирзиёева Тошкентда экологик вазиятни яхшилаш бўйича кечиктириб бўлмайдиган чора-тадбирларга бағишланган мажлис ўтказди.
Мажлисда экологик назоратни кучайтириш, ифлосланишга сабаб бўлувчи объектлар фаолиятини чеклаш, қурилишга қўйиладиган талабларни кучайтириш, шаҳарни кенг кўламда кўкаламзорлаштириш ва ҳаво сифати мониторингининг замонавий тизимини яратишга қаратилган чора-тадбирлар илгари сурилди.
