Малайзиянинг 7 штатида 11 мингдан ортиқ инсон тошқиндан жабр кўрди

Малайзиянинг бир қанча ҳудудларида кучли ёғингарчилик оқибатида сел тошқинлари юзага келиб, 11 мингдан ортиқ одам оғир аҳволда қолди, деб ҳабар қилди Reuters.

Маълум қилинишича, эрталаб соат 6:00 ҳолатига кўра, Кедаҳ, Келантан, Пенанг, Перак, Перлис, Теренггану ва Селангордаги 3.839 хонадондан 11.009 киши сув тошқинидан зарар кўрган.

Энг кўп зарар кўрган Таиланд билан чегарадош шимоли-шарқий Келантан штати бўлиб, 8228 киши жароҳат олган.

Ҳозирда сув тошқини туфайли уй-жойидан маҳрум бўлган фуқароларни жойлаштириш учун жабр кўрган штатларда олтмишта вақтинчалик бошпана ташкил этилган.