Miran International биносида ёнғин чиқди
16 октябр куни Тошкент вақти билан соат 17:17 да Тошкент шаҳрининг Миробод туманидаги Шахрисабз кўчасида қурилаётган Miran International биносида ёнғин содир бўлаётгани ҳақида Тошкент шаҳар Фавқулодда вазиятлар бошқармасига хабар келиб тушган.
Шундан сўнг, ёнғин-қутқарув хизматининг экипажи соат 17:24 да воқеа жойига етиб борган ва ҳозирда ёнғинни ўчириш ишлари олиб борилмоқда.
Айни дамда Тошкент шаҳар Фавқулодда вазиятлар бошқармаси ва Фавқулодда вазиятлар вазирлиги раҳбариятидан масъул шахслар ҳам воқеа жойида. Тан жароҳати олганлар ёки ҳалок бўлганлар ҳақида маълумотлар йўқ.
