Адиз Бобоев Самарқанд вилояти ҳокими этиб тасдиқланди
Адиз Бобоев Самарқанд вилояти ҳокими этиб тасдиқланди, деб хабар берди давлат раҳбарининг матбуот хизмати.
Халқ депутатлари Самарқанд вилояти Кенгашининг сессиясида ташкилий масала ҳам кўриб чиқилди.
Жумладан, президент томонидан Самарқанд вилояти ҳокими лавозимига ҳоким вазифасини бажариб келаётган Адиз Бобоев номзодини тавсия этди.
Вилоят фаолларининг номзод ҳақидаги фикрлари эшитилганидан сўнг, вилоят ҳокимини тайинлаш масаласи овозга қўйилди. Овоз бериш натижасига кўра, Адиз Бобоев вилоят ҳокими этиб тасдиқланди.
Президент янги ҳокимга иш ўрни яратиш, камбағалликни қисқартириш, инвестиция ва экспортни ошириш, таннархни пасайтириш ва энергия тежамкорлигини кучайтириш орқали Самарқандни намунавий ҳудудга айлантириши шарт эканини таъкидлаб ўтди.
