Хонанда Лола оналарга чақалоқ билан хорижий сафарга отланганида асқатадиган маслаҳатлар берди

Хонанда Лола Йўдошева ўзининг Инстаграм саҳифасида ёш болалали оналарга бола билан хорижий сафарга отланганида асқатадиган маслаҳатлар берди.

Лола болали аёллар ҳар доим самалётдан биринчи қатордан жой олиши кераклигини таъкидлаган:

«Онажонлар, қадрдонларим, сизлардан бола билан саёҳатга чиқиш ҳақида жуда кўплаб саволлар келган. Биз қанчалик қайғурсак, қўрқсак ҳам барибир болаларимиз сезади. Энг муҳими сизнинг xотиржамлигингиз ва ҳаммаси осонлик билан ўтиб кетишига ишончингиз.

Ҳар доим самoлётдан биринчи қатордан жой олинг. У бола билан учишга мосланган. Шунингдек, боланинг таглигини алмаштириш, уни эмизиш учун она ва бола хонаси ҳам мавжуд. Ҳар доим кўтариб юрадиган сумкангизга боланинг кийими, тагликлари, креми, овқати, суви, сўрғичи, бутилкаси, ўйинчоқларини солиб олинг, шундагина ҳотиржамгина уча оласиз. Ҳатто ‘oдеял’ ҳам олинг, мен Аишaнинг ёстиғини ҳам олиб оламан».

View this post on Instagram

A post shared by Lola Yuldasheva (@lolaofficial_)

Шунингдек, хонанда бола йиғлаган вақтда оналар ўзини қандай тутиши кераклигини ҳам қайд этиб ўтган:

«Энг асосийси эса болангиз йиғлаётган вақтда ҳеч қачон бортдаги одамларга ноқулайлик келтиряпман деб ўйламанг. У йиғлаши мумкин, йиғлаш чекланмаган ва бу оддий ҳол. У тезроқ йиғини тўхтатиши учун ҳамма нарсадан мавҳум бўлиш керак. Нимага одатланган бўлсангиз ва болангиз нимага одатланган бўлса шундай қилинг, майли вақт олса ҳам. Муҳими, xотиржам бўлинг, тинчланинг… Ҳеч нарсага аҳамият берманг! Фақат сиз ва сизнинг мўъжизангиз бор. Саёҳат қилинг ва ҳеч нимадан қўрқманг!».

View this post on Instagram

A post shared by Lola Yuldasheva (@lolaofficial_)

Маълумот учун, xонанда Лола 2005 йил тошкентлик тадбиркор Шоҳруҳга турмушга чиққан. 2007 йилда қизи Шаҳина ҳамда 2009 йилда ўғли Диёр дунёга келган. 2011 йил Лола ва Шоҳруҳ ажрашишган.

У ўзининг Instagram’даги саҳифасида иккинчи марта турмуш қургани, оилавий бахти ҳақида кўп марта постлар қолдирган. Аммо хонанда турмуш ўртоғининг кимлиги, тўй маросими қачон ва қаерда бўлиб ўтганини қаттиқ сир сақлаб келади. Хонанда 2019 йил 26 апрель куни саҳифасига оқ либосда тушган суратини жойлаб, «Бу расмни анча олдин қўйишни хоҳлагандим», — деб изоҳ ёзганди. Лола яқинда учинчи бор она бўлди. Жуфтлик қиз фарзандга Аиша деб исм қўйишган.