Aндижон шаҳрида фоҳишалик билан шуғyлланган опасини ўлдириб, ўз хонадонига кўмган ука қўлга олинди

Aндижон шаҳрида истиқомат қилувчи У.У. фоҳишалик билан шуғyлланган опаси Ш.У.ни 2018 йил 2 январда ўлдириб, ўзи истиқомат қиладиган хонадонга кўмганлиги аниқланди. Бу ҳақда «Халқ сўзи online» хабар берди.

Таъкидланишича, 12 октябрь куни жиноят ишлари бўйича Aндижон вилоят судида ушбу масала кўриб чиқилди. Воқеа 2018 йилнинг 2 январь куни бўлган. Унга кўра андижонлик Ш.У. 2017 йилда турмушидан ажрашган ва тирикчилик важидан фоҳишалик билан шуғулланган.

Қайд этилишича, 2018 йилнинг 2 январь куни Ш. уйига номаълум эркакни таклиф қилган. Кўнгилхушликдан сўнг эркак кетмоқчи бўлади ва Ш. «меҳмон»ни кузатиб қўйишни жияни Ш.га буюради. Бола бегона эркакни кузатиб қўйгач, аёл жиянини сўроққа тутади. Жияни маҳалладаги қўшнилар эркак ҳақида сўрашганида нима сабабдан тоғaси бўлишини айтмаганлиги учун Ш. уни қўлига илинган буюм билан уриб, капгир билан белига зарб беради. Шу пайт хонага кириб келган укаси У. вазиятни тушунади ва онаси билан жиянини уйдан чиқариб, опасини калтаклай бошлайди. Aёлнинг эгнидаги кийимини ечиб олиб, унинг оёқ-қўлини боғлаган йигит Ш.нинг дуч келган жойига тепа бошлаган. Натижада эса опаси воқеа жойида вафот этган.

Қотиллик жиноятини яширишга уринган йигит шу хонанинг ўзида бир метрлик чуқур ковлаган ва майитни кўмиш учун онаси ва жиянини ёрдамга чақирган. Учаласи хонани тартибга келтириб, ўтган воқеани ҳеч кимга айтмасликка келишиб олган.

Бўлиб ўтган воқеалардан тинчини йўқотган йигит оиласи билан бошқа уйга кўчиб ўтган. Орадан бир оз вақт ўтгач, опасининг ўлими ҳақидаги бор ҳақиқатни хотинига айтиб беришга қарор қилган. Лекин унинг аёли бу аҳволда яшаб бўлмаслигини тушуниб, эрининг қотиллигидан ИИБ ходимларини огоҳлантирган.

Хабарга кўра, 9 октябрь куни жиноят ишлари бўйича Aндижон вилоят судида У.У.нинг жиноят иши кўриб чиқилган ва унга 11 йил муддатга озодликдан маҳрум этиш жазоси тайинланган.

Aввалроқ Наманганда уйида фоҳишахона сақлаган аёл қўлга олингани ҳақида хабар берилганди.